Liebi ehemooligi TVB-ler!

Lang isch teilwyys här, sit mr uns zletscht gseh hänn! Darum: Willkomme zrugg in dr Sporthalle Birsfälde!!!

Mir freue uns, euch für unsere Revival ilaade z könne.

Gmeinsam hänn mr unvergässlichi Zytte erläbt; no mit Heimspiel irgendwo in dr Region füre TVB, denn ab 2003 villicht in dr Sporthalle Birsfälde, an Turnier und Trainingslager in Schwede, Willisau oder Näfels. Darum isch es Zytt, sich wieder emol z träffe und in Erinnerige z schwelge.

Datum

• Samstag, 17. Oktober 2026

Programm

• Träffpunkt/Apéro: 16:00 Sporthalle Birsfelden, Galerie
• 17:00 TV Birsfelden – TV Pratteln NS (Regionalderby 1. Liga)
• Aaschliessend gmeinsame Ussklang in dr Sporthalle.